በዲጂታላይዜሽን ምክንያት በአካል የሚደረጉ የበዓላት ጉብኝቶች እየቀነሱ መምጣታቸው ተገለጸ

በቴክኖሎጂና በዲጂታላይዜሽን መስፋፋት ምክንያት በበዓላት ወቅት በአካል የሚደረጉ ጉብኝቶችና ሰላምታዎች እየቀነሱ መምጣታቸውን የሶሺዮሎጂ ተመራማሪዎች ገለጹ። ይህ ሁኔታ በትውልዶች መካከል ያለውን የባህል፣ የታሪክና የልምድ ልውውጥ እያዳከመ እንደሆነ የወልቂጤ እና የዋቸሞ ዩኒቨርሲቲ ተመራማሪዎች አስረድተዋል። የዲጂታል ሰላምታዎች በአካል የሚደረግን ግንኙነት ሙሉ በሙሉ ሊተኩ ስለማይችሉ በተለይም በአዛውንቶች ላይ የብቸኝነት ስሜት ሊፈጥሩ እንደሚችሉ ጠቁመዋል። ተመራማሪዎቹ ወጣቶች በአካል የመጠያየቅ ባህልን እንዲያጠናክሩ እና ሀገር በቀል እሴቶችን ከቴክኖሎጂ ጋር የሚያጣጥሙ አሰራሮች እንዲተገበሩ መክረዋል።