ከ600 በላይ እስረኞች ከእስር ተለቀቁ፤ አቶ ክርስቲያን ታደለንም ይገኙበታል

የኢትዮጵያ ሰብዓዊ መብቶች ኮሚሽን (ኢሰመኮ) ከ600 በላይ እስረኞች በይቅርታና ክሳቸው ተቋርጦ ከእስር መፈታታቸውን አስታውቋል። ከተለቀቁት እስረኞች መካከል አቶ ክርስቲያን ታደለ ይገኙበታል። ኮሚሽኑ ከእስር እንዲፈቱ ከመንግስት ጋር ላለፉት አምስት ወራት ሲደራደር መቆየቱን ገልጿል። የተፈቱት እስረኞች በፌደራል ደረጃ ታስረው የነበሩ ሲሆን፣ በአማራና በኦሮሚያ ክልሎች የሚፈቱት እስረኞች ከዚህ ቁጥር ውጪ መሆናቸው ተገልጿል። በተጨማሪም፣ የይቅርታ ጥያቄ ባለማቅረባቸው ምክንያት በተመሳሳይ መዝገብ የነበሩ 28 እስረኞች ሳይፈቱ ቀርተዋል። ከተፈቱት እስረኞች ህጋዊ መብቶቻቸው እንዲመለሱ ተደርጓል።