Komishiniin Marii Biyyooleessaa Itoophiyaa gorsa 400 qaamolee dhimmi ilaallatuuf dhiyeessuuf ta'uu beeksise

Komishiniin Marii Biyyooleessaa Itoophiyaa gorsa 400 walitti qabaman Fulbaana 10, 2019 dura qaamolee mootummaa dhimmi ilaallatuuf dhiyeessuuf qophii ta'uu Komishinarri komishinichaa Profeesar Mesfin Araayyaa ibsaniiru. Gorsonni kunneen murtoo dhumaa osoo hin taane, qaamolee raawwachiiftuu, seera baastuu fi hiituuf murtoo irratti gargaaruuf kan dhiyaatanidha. Gorsonni kunneen bakka bu'oota ummataa garaagaraa irraa walitti qabamanii kan qophaa'an yoo ta'u, akkaataa gosa isaaniitiin mootummaa federaalaaf ykn naannooleef kan dabarfaman ta'a. Naannoo Tigraay ilaalchisee, haala yeroo ammaa jiruun gorsonni walitti qabaman mootummaa federaalaaf akka dhiyaatan taasifama. Komishinichi hanga ammaatti deeggarsa alaa miliyoona 16 ga'u argachuu kan ibsame yoo ta'u, komishinaroonni hojii isaanii Onkoloolessa 15, 2019 akka xumuraniif, waajjirri komishinichaa garuu hojii sanadaa fi ooditii xumuruuf akka itti fufu ibsameera.