Taayilaand Heeyyama Seensaa Iddoo Ga'umsaa Itoophiyaaf Kennaa Turte Haqxe

Mootummaan Taayilaand sirna heeyyama seensaa (viisaa) haaraa hojiirra oolchuu isaatiin walqabatee seera biyyoota heeyyama seensaa iddoo ga'umsaatti argatanii fi heeyyama malee seenan fooyyesseera. Odeeffannoo Embaasii Itoophiyaa Niwudeeliitti argamuu fi Ministeera Dhimma Alaa biyyattii wabeeffachuun akka gabaasametti, Itoophiyaanota gara Taayilaand imalaniif viisaan iddoo ga'umsaatti (visa on arrival) kennamaa ture haqameera. Sirna haaraa kanaan, lammiileen Itoophiyaa gara Taayilaand deeman biyya isaaniitii osoo hin ka'in dura viisaa argachuu qabu. Imaltoonni toora internetii dhaabbata thaievisa.go.th jedhamu irratti iyyata isaanii dhiheessuun heeyyama argachuun irra jiraata. Imaltoonni Itoophiyaa heeyyamni isaanii toora internetii irratti eeyyamamuun isaanii erga mirkanaa'e booda qofa gara biyyattii seensifamu.