ዓይነስውር ተማሪዎች የዩኒቨርሲቲ ምደባ ችግር አጋጠመን አሉ፤ ሚኒስቴሩ ምላሽ ሰጠ

የ12ኛ ክፍል ማለፊያ ውጤት ያመጡ ዓይነስውር ተማሪዎች የዩኒቨርሲቲ ምደባ ማወቅ አለመቻላቸውን ገልጸው ቅሬታቸውን ለቲክቫህ ኢትዮጵያ አቅርበዋል። ተማሪዎቹ ውጤታቸው ለምደባ የሚያበቃ ቢሆንም፣ ኦንላይን ሲስተሙ ላይ ምደባውን ማየት እንዳልቻሉ እና ከምደባ ውጪ እንደቀሩ ተናግረዋል። የትምህርት ሚኒስቴር ጉዳዩን አጣርቶ ምላሽ እንደሚሰጥ አስታውቋል። ሚኒስትር ዴዔታው ክንደያ ገ/ህይወት (ፕ/ር) ተማሪዎቹ በኦንላይን ቅሬታ ማቅረቢያ ሊንክ አማካኝነት መረጃቸውን እንዲልኩ አሳስበዋል። መረጃው የተሳሳተ ወይም ያልተሟላ ከሆነ ስህተቱ ሊፈጠር እንደሚችል የጠቀሱት ሚኒስትሩ፣ በግል ማመልከት እንደሚጠበቅባቸው አሳስበዋል። ተማሪዎች በአካል ወደ ሚኒስቴር መሄድ እንደማያስፈልግ እና ቅሬታቸውን በድረ-ገጹ ብቻ ማቅረብ እንደሚችሉ ተገልጿል።