የትምህርትና ስልጠና ባለሥልጣን ለከፍተኛ ትምህርት ተመዝጋቢዎች ማሳሰቢያ ሰጠ

የኢፌዲሪ ትምህርትና ስልጠና ባለሥልጣን በቅድመ-ምረቃና በድህረ-ምረቃ መርሃ ግብሮች ለመመዝገብ የሚፈልጉ ተመዝጋቢዎች የከፍተኛ ትምህርት መግቢያ መስፈርቶችን ማሟላት እንዳለባቸው አሳስቧል። የቅድመ-ምረቃ ተመዝጋቢዎች የትምህርት ሚኒስቴርን የመቁረጫ ነጥብ፣ የቴክኒክና ሙያ ተመረቂዎች ደረጃ 4 COC፣ እንዲሁም የሁለተኛ ዲግሪ ተመዝጋቢዎች የNGAT ፈተና ማለፍ አለባቸው። ከእነዚህ መመሪያዎች ውጪ በሚደረጉ ምዝገባዎች ባለሥልጣኑ ኃላፊነት እንደማይወስድና ኃላፊነቱ የተመዝጋቢዎቹና የተቋማቱ ብቻ መሆኑን ገልጿል።