Ayyaanni Gifataa magaalaa Walayittaa Soddootti kabajamaa jira

Ayyaanni Gifataa, ayyaana jijjiirraa baraa saba Walayittaa, erga UNESCO irraa beekamtii argatee booda yeroo jalqabaaf magaalaa Walayittaa Soddootti sirnoota garaagaraan kabajamaa jira. Ayyaanichi namoota biyya keessaa fi alaa dhufaniin haala miira gammachuutiin kabajameera.

Ayyaana kana irratti agarsiisni uffata aadaa, nyaata aadaa fi ogbarruu dhiyaateera; akkasumas sirni 'drone' qilleensa irratti taasifameera. Kana malees, gamoo tulluu Daamotaa irratti ijaarame sadarkaa jalqabaa eebbifameera. Ayyaanichi boru istaadiyoomii Walayittaa keessatti xumura argata.