Tajaajilli Televijinii Tigraay (Tigray TV) Abbaa Taayitaa Miidiyaa Itoophiyaatiin Dhorkame

Abbaan Taayitaa Miidiyaa Itoophiyaa (EMA) har'a Masqala 11, 2017 E.C. jalqabee Tajaajila Televijinii Tigraay (Tigray TV) yeroo murtaa'iniif hin beekamneef dhorkuu isaa beeksiseera. Abbaan taayitichaa akka jedhetti, waliigaltee nagaa Piriitooriyaa hordofuun dhorkaan kanaan dura tamsaasa sun irra ture ka'ee gara hojiitti deebi'ee kan ture ta'us, qabiyyee dhiheenya tamsa'an irratti hordoffii taasisaniin seera cabsuun isaa mirkanaa'era. Miidiyaan sun nageenya biyyaa fi ummataa balaa irra kan buusan, gara waraanaatti kan kakaasanii fi finnaalummaa kan jajjabeessan ergaawwan tamsaasaa turuu EMA'n ibseera. Akkaata kanaan dhorkaan kun kan murtaa'e yoo ta'u, miidiyaaleen broodkaastii, dijiitaalaa fi maxxansaa kamiyyuu Tigray TV akka madda odeeffannootti dhiheessuu fi qabiyyee isaa tamsaasuu irraa akka qusatan cimsamee dhorkameera. Ajaja kana kan darbu miidiyaa kamiyyuu irratti tarkaanfiin seeraa fi bulchiinsaa kan fudhatamu ta'uu abbaan taayitichaa akeekkachiiseera.