Dhaddacha mirkaneessaa miseensota EPaP sababa jijjiirraa abbootii seeraatiin yeroo sadaffaaf dheerate

Dhaddacha mirkaneessaa (bail) miseensota EPaP shakkii shororkeessummaan qabamanii jiran irratti Mana Murtii Waliigalaa Federaalaatti yeroo sadaffaaf dheerateera. Mana Murtii Olaanaa Federaalaatiin namoonni kunneen qarshii 50,000tiin akka gadhiifaman murtaa'us, poolisiin olkommaata waan gaafateef hidhaan isaanii itti fufeera. Abukaatoon isaanii, Obbo Solomoon Gezaheeny, sababni dheerachuu kanaa jijjiirraa abbootii seeraa yeroo bonaa ta'uu fi abbootin seeraa haaraan qabiyyee galmee sanaa ilaaluuf yeroo waan barbaadaniif ta'uu ibsaniiru. Dhaddachichi dhimmicha ilaaluuf Bitootessa 14, 2019 irratti beellama biraa qabateera. Abukaatichi dhimmi kun sababa malee irra deddeebi'ee beellamamuun isaa gara itti gaafatamaa Mana Murtii Waliigalaatti iyyatameera.