ጉዳይ ዋስትና ኣባላት ኢህአፓ ብሰንኪ ለውጢ ፈረቃ ዳያኑ ንሳልሳይ ግዜ ተራኺቡ

ጉዳይ ዋስትና እቶም ብኽሲ ግብረ-ሽበራ ተጠርጢሮም ዘለዉ ኣባላት ኢህአፓ ኣብ ላዕለዋይ ቤት ፍርዲ ፈደራል ንሳልሳይ ግዜ ተራኺቡ። እቲ ላዕለዋይ ቤት ፍርዲ ፈደራል ኣቐዲሙ ነቶም ተጠርጠርቲ ብ50 ሽሕ ብር ዋስትና ክፈትሑ ወሲኑ እኳ እንተነበረ፡ ፖሊስ ይግባኝ ብምባሉ እቲ ማእሰርቲ ቀጺሉ ኣሎ። ጠበቓ ሰለሞን ገዛኸኝ ከምዝገለጽዎ፡ እቲ ድንጉይ ዝተፈጥረ ኣብ ክረምቲ ብዝግበር ለውጢ ፈረቃ ዳያኑ ምኽንያት እዩ፤ እቶም ሓደስቲ ዳያኑ ንመዝገብ ከይረኣይዎ ስለዝጸንሑ ብያነ ክወሃበሉ ኣይከኣለን። እቲ ቤት ፍርዲ ነቲ ጉዳይ ንምርኣይ ንሓሙስ መስከረም 14/2019 ቀጠሮ ሂቡ ኣሎ። እቲ ጠበቓ ነቲ ጉዳይ ብዘይ ምኽንያት ከምዝተራዘመ ናብ ምክትል ፕሬዝዳንት ላዕለዋይ ቤት ፍርዲ ኣመልኪቶም ኣለዉ።