Mana jireenyaa ammayyaa Qetel Tera Finfinneetti ijaaramee dabarfame

Bulchiinsii magaalaa Finfinnee mana jireenyaa ammayyaa 960 naannoo Qetel Teraatti ji'a afur keessatti ijaaree jiraattotaaf dabarseera. Kantiibaan magaalaa Finfinnee Aadde Adaanech Abeebee akka ibsanitti, kanaan dura haala jireenyaaf mijataa hin turreefi balaan ibiddaa itti mudachaa ture kun, amma "Ganda Gaarummaa Merkatoo" jedhamee moggaafameera. Giddugaleessi kun lafa kaaree meetira kuma 11 irratti kan ijaarame yoo ta'u, bulsii "G+8" sagalifi suuqii daldalaa 371 of keessaa qaba. Gandichi iddoo dhaabbii konkolaataa, iddoo chaarjii konkolaataa elektirikii, iddoo ispoortii, iddoo tapha daa'immanii fi tajaajila ammayyaa kanneen akka bishaanii fi elektirikiitiin guutameera. Hojiin kun bakkeewwan "Tera" jedhaman kan biroo magaalaa keessa jiran ganda jireenyaaf mijataa ta'anitti jijjiiruuf karoorfame keessaa tokko.