የሕንድ ማላንካራ ኦርቶዶክስ ቤተ ክርስቲያን ፓትርያርክ በኢትዮጵያ ደማቅ አቀባበል ተደረገላቸው

የሕንድ ማላንካራ ኦርቶዶክስ ቤተ ክርስቲያን ፓትርያርክ ብፁዕ ወቅዱስ አቡነ ባስልዮስ ማርቶማ ማቴዎስ ፫ኛ በኢትዮጵያ በመንበረ ጸባዖት ቅድስት ሥላሴ ካቴድራል ደማቅ መንፈሳዊ አቀባበል ተደርጎላቸዋል። የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ ማትያስ የእንኳን ደህና መጡ ንግግር ያደረጉ ሲሆን፣ በሁለቱ ጥንታዊ አብያተ ክርስቲያናት መካከል ያለውን ግንኙነት ማጠናከር አስፈላጊ መሆኑን ጠቅሰዋል። የሕንድ ፓትርያርክ በበኩላቸው የተደረገላቸው አቀባበል ልባቸውን በጥልቅ የነካ መሆኑን ገልጸው፣ በቀጣይ በሴሚናሪዎች ደረጃ የተማሪዎችና መምህራን ልውውጥ ለማድረግ እንደሚሠራ አስታውቀዋል።