Inistiitiyuutii Leenjii Tekniikii fi Ogummaa Federaalaa dameewwan leenjii haarawa 11 ifa godhe

Inistiitiyuutiin Leenjii Tekniikii fi Ogummaa Federaalaa fedhii gabaa qorachuun dameewwan leenjii haarawa 11 banuu isaa beeksise. Dameewwan haaraan kunniin teeknooloojiiwwan akka saayibar nageenyaa, artiifiishaal inteliijansii, teeknooloojii baayoomedikaalaa fi teeknooloojii konkolaataa anniisaa haarawaa of keessatti hammata. Inistiitiyuutichi kaampasiiwwan 16 fi giddugaleessa 2 irratti barattoota kuma 10 ol simachuuf qophii xumureera.

Leenjichi harka 50 barnoota yaadaa fi harka 50 shaakala gootee akka ta'e ibsameera. Galmeen barattoota idilee hamma Fulbaana 25, 2019 E.C. kan turu ta'a. Inistiitiyuutichi yuunivarsitiiwwan Chaayinaa fi Aljeeriyaa wajjin waliin hojjechaa kan jiru yoo ta'u, biyyoota ollaa akka Sudaan Kibbaa fi Somaaliyaa jiraniif carraa barnootaa bilisaa kennuun isaa beekameera.