የኢትዮጵያ ኦርቶዶክስ ተዋሕዶ ቤተ ክርስቲያን የ2019 ዓ/ም የደመራ በዓል አከባበር መልዕክት አስተላለፈች

የኢትዮጵያ ኦርቶዶክስ ተዋሕዶ ቤተ ክርስቲያን የ2019 ዓ/ም የደመራ በዓል አከባበርን አስመልክቶ ለምዕመናን ጥሪ አስተላልፋለች። ምዕመናን በዓሉን ሲያከብሩ የቤተ ክርስቲያኒቱን ሥርዓት ጠብቀው ነጭ ልብስ ለብሰው እንዲገኙና ከሥርዓት ውጪ የሆኑ አለባበሶችን እንዲያስወግዱ አሳስባለች። የዘንድሮው በዓል የሕንድ ማላንካራ ኦርቶዶክስ ቤተ ክርስቲያን ፓትርያርክ ብፁዕ ወቅዱስ ባስልዮስ ማርቶማ ማቴዎስ ሣልሳዊ በክብር እንግድነት ስለሚገኙ ዓለም አቀፋዊ ትኩረት እንደሚያገኝ ተገልጿል።

ቤተ ክርስቲያኗ ዝማሬዎችና አጠቃላይ እንቅስቃሴዎች ሰላምን የሚሰብኩና ሥርዓትን የተከተሉ መሆን እንዳለባቸው አሳስባለች። በበዓሉ አከባበር ሥፍራዎች ዙሪያ የፀጥታ ፍተሻዎች ስለሚኖሩ ምዕመናን ትብብር እንዲያደርጉ ተጠይቋል። በአዲስ አበባ ብቻ መስቀል አደባባይን ጨምሮ ከ2,657 በላይ ቦታዎች ላይ ደመራ እንደሚደመርም ተነግሯል።