Waldaa Ortodoksii Tawaahidoo Itoophiyaa ayyaana Demeraa bara 2019 ilaalchisee ibsa baaste

Waldaan Ortodoksii Tawaahidoo Itoophiyaa ayyaana Demeraa bara 2019 ilaalchisee ergaa dabarsiteetti. Amantoonni ayyaanicha yeroo kabajan uffata aadaa (adii) uffatanii akka argaman fi uffata sirna amantii hin eegganne irraa akka of qusatan dhaamteetti. Ayyaanichi kan bara kanaa kan adda isa taasisu, Paatriyaarkii Waldaa Ortodoksii Maalaankaaraa Hindii, Qulqulluu Baasiliyos Maartoommaa Maatewos Sadaffaan argamuun isaanii xiyyeeffannoo addunyaa akka argatu taasisa jedhameera.

Waldaan kun faarfannaan fi sochiiwwan hundi nagaa kan lallaban fi sirna kan hordofan ta'uu akka qaban hubachiisteetti. Naannawa bakkeewwan ayyaanichi itti kabajamuutti sakatta'iinsi nageenyaa waan jiraatuuf, amantoonni qindoomina akka taasisan gaafatamaniiru. Finfinnee qofatti bakkeewwan 2,657 olitti ayyaanichi akka kabajamu ibsameera.