ሩሲያ በኢትዮጵያ የጸጥታ ሁኔታ ላይ ስጋቷን ገለጸች

ሩሲያ በኢትዮጵያ ትግራይ፣ አፋር እና አማራ ክልሎች ዳግም እያገረሸ ስላለው የጸጥታ ችግር ስጋቷን ገልጻለች። በፌዴራል መንግሥት እና በትግራይ ታጣቂ ቡድኖች መካከል እየተካሄደ ስላለው ግጭት መረጃ እንደደረሳት የገለጸችው ሀገሪቱ፣ ወገኖች ቀደም ሲል የተደረሱ የተኩስ አቁም ስምምነቶችን እንዲያከብሩ ጥሪ አቅርባለች።

ከዚህ ባለፈም የውጭ አካላት በኢትዮጵያ የውስጥ ጉዳይ ጣልቃ ከመግባት እንዲቆጠቡ ሩሲያ አሳስባለች። የኢትዮጵያን አንድነት እና የግዛት ሉዓላዊነትን ማክበር በሀገሪቱ ያሉ ችግሮችን ለመፍታት ቁልፍ መሠረት እንደሆነም የሩሲያ ውጭ ጉዳይ ሚኒስቴር አስታውቋል።