Buufata Raabsa Humna Addis West Irratti Rakkoo Mudate Phatiisuuf Filannoowwan Lama Hojiirra Oolaa Jiru

Buufata Raabsa Humna Ibsaa Addis West keessatti traansfoormara irratti balaa dhiyeenya kana mudateen naannoolee Finfinnee heddduu keessatti guyyoota ja'an darbanitti tajaajilli ibsaa citee jira. Daayirektarri Koomunikeeshinii Humna Ibsaa Itoophiyaa Obbo Mooges Makonnin akka ibsanitti, rakkoo kana dhaabbataan furuuf filannoowwan lama irratti hojjetamaa jira. Filannoon inni jalqabaa traansfoormara miidhame gara mana suphaatti geessanii suphuu yoo ta'u, filannoon lammaffaan traansfoormara walfakkaatu bakka biraatii fiduun bakka buusuudha. Hanga suphaan kun guutumaan guutuutti xumuramuutti, qoodinsa humna ibsaa sarara biraatti jijjiiruudhaan uummataaf dabareedhaan ibsaan kennamaa jira. Hojichi teeknikaa waan ta'eef yoom akka xumuramu daangaa yeroo murteessuun rakkisaa ta'uun eerameera.