Finfinnee fi Naannoo Ishiitti Dronii Balaliisuun Yeroo Murtaa'iniin Ala Dhorkame

Tajaajilli Odeeffannoo fi Nageenya Biyyaalessaa (NISS) Finfinnee fi naannoo ishiitti sa'aatii ammaa jalqabee heeyyama dronii kamiyyuu balaliisuu kennuu yeroo murtaa'iniin ala dhaabuu isaa beeksiseera. Tajaajilichi akka ibsetti, murtii kanatti kan gahame bu'uuraalee misoomaa murteessoo fi qophiilee guguddoo biyyaalessaa balaa nageenyaa teeknoolojii dronitiin dhufuu danda'u irraa ittisuufi. NISS teeknoolojii lola dronii (anti-drone) qindaa'atti fayyadamuun sochii dronii seeraan ala ta'e hordofaa fi to'achaa akka jiru addeesseera. Beeksisa kana darbuun dronii balali'u kamiyyuu adda baasuu, daangessuu, iddoo barbaachisutti qubsiisuu fi abbootii droniichaa sakatta'anii seeraaf dhiyeessuun tarkaanfiin seeraa kan fudhatamu ta'a. Kanaan dura, qabxiilee kanneen akka kaayyoo balali'aa, iddoo balali'aa, gosa fi lakkoofsa moodeela dronii ibsuun heeyyama NISS irraa argachuun ni danda'ama turatti. Tajaajilichi sodaa nageenya biyyaalessaa teeknoolojii dronitiin dhufu ittisuuf teeknoolojii hammayyaa fi humna namaa leenji'e kan qabu ta'uu beeksiseera.