Dhorkaan Konkolaataa Ayyaana Irreechaa Bishoftuutti Labsame

Poolisiin Oromiyaa ayyaana Irreechaa Hora Harsadii Bishoftuutti kabajamu ilaalchisee dhorkaa daandii fi sochii konkolaataa ifoomseera. Fulbaana 22 hanga 24, 2019 E.C.tti konkolaatonni fe'umsaa gara Finfinnee akka hin seenne dhorkamaniiru.

Haaluma kanaan, magaalota Chanchoo, Fichee, Shenoo, Sandafaa, Hooleettaa fi Walisoo keessatti konkolaatonni fe'umsaa akka dhaabatan murtaa'eera. Konkolaatonni Adamaa irraa dhufan karaa saffisaa (Expressway) qofa akka fayyadaman ajajameera. Kana malees, magaalota Bishoftuu keessa kan jiran bajajoonnii fi taksiin Fulbaana 23 irraa eegalee mana isaanii akka turan, akkasumas konkolaatonni geejjiba uummataa iddoo qophaa'e qofa akka fayyadaman poolisiin akeekkachiiseera.