ህዝባዊ ህንፃ ሚኒስትሪ ጉዳያት ወፃኢ ንምሕዳስ ፍርቂ ቢሊዮን ብር ብባንክታት ክሽፈን እዩ

ካብ ፈረቓ ክፍለ ዘመን ንላዕሊ ዝገበረ ህንፃ ሚኒስትሪ ጉዳያት ወፃኢ ኢትዮጵያ ምሕዳስ ክግበረሉ ተወሲኑ። ሚኒስተር ጉዳያት ወፃኢ ዶክተር ጌዲዮን ጢሞቴዎስ ነቲ ናይ ምሕዳስ ስራሕ ዝኸውን ፍርቂ ቢሊዮን ብር ንግደታዎት ባንክታት ክወፍያ ዝሓተቱ እንትኾኑ፡ እተን ባንክታት እውን ነቲ ሕቶ ተቐቢለንኦ እየን። ብመሰረት ማሕበር ባንክታት ኢትዮጵያ ዝቐረበ እዋናዊ ሓሳብ፡ ፍርቂ ናቲ ወፃኢ ብመንግስታዊ ባንኪ ንግዲ ኢትዮጵያ ክሽፈን እንከሎ፡ እቲ ዝተረፈ ፍርቂ ድማ ብ26 ኣባላት ባንክታት ክመቓቐል እዩ። እቲ ሚኒስተር ነተን ባንክታት ኣብ ዝሃብዎ መብርሂ፡ እቲ ህንፃ ብጣዕሚ ዘረጀን ምስ ናይ ሕዚ ብርኪን ገፅታን ኢትዮጵያ ዝይመጣጣን ምዃኑ ገሊፆም አለው።