ኣሜሪካን ዓዲ እንግሊዝን ኣብ ክልል ኦሮምያ ዝተፈጸመ መጥቃዕቲ ኮኒኖም

ኣብ ክልል ኦሮምያ ዞባ አርሲ ወረዳ ሺርካ ብዕለት 24 ጥቅምቲ 2019 (14 ጥቅምቲ 2019 ዓ.ም) ኣብ ልዕሊ ንጹሃን ተፈጺሙ ኣብ ዝተባህለ መጥቃዕቲ ተኸቲሉ፡ ማሕበረሰብ ዓለም ነቲ ተግባር ይኹንን ኣሎ። ኣሜሪካን ዓዲ እንግሊዝን ነቲ መጥቃዕቲ "ዘስደምም" ኢለን ብምግላጽ፡ መንግስቲ ኢትዮጵያ ነቶም ገበኛታት ንፍርዲ ከቕርቦም ከምኡውን ንግዳያት ፍትሒ ክረኽቡ ከምዘለዎ ጸዊዐን። ነበርቲ እቲ ከባቢ ከምዝገለጽዎ፡ ብተደጋጋሚ ኣብቲ ከባቢ ኣብ ዝኽሰት ግጭት ብዙሓት ተፈናቒሎም፡ ንብረቶም ዓንዩን ናብራኦም ተበሪኹን ኣሎ። ቤት ጽሕፈት ኮሙዩኒኬሽን ክልል ኦሮምያ ብወገኑ፡ ነቲ መጥቃዕቲ ብምፍጻም ተጠርጢሮም ዝተታሕዙ 73 ውልቀ ሰባት ኣብ ትሕቲ ቁጽጽር ሕጊ ከምዝወዓሉን ተመዛበልቲ ናብ መረበቶም ንምምላስ ስራሕቲ ይካየድ ከምዘሎን ኣፍሊጡ። ቅድሚ ሕጂ ብዘይ ገለ ምኽንያት ተኣሲሮም ዝነበሩ ሰባት እውን ከምዝተፈትሑ ተገሊጹ።