ሚኒስትሪ ጉዳያት ወፃኢ ህንፀት ዋና መሥሪያ ቤቱ ብሀገር ውሽጢ ኣጋራት ንምወል ኣቅዱ

ብመሰረት መግለፂ ሚኒስትር ጉዳያት ወፃኢ ዶክተር ጌዲዮን ጢሞቴዎስ፣ ሚኒስትሪ ጉዳያት ወፃኢ ህንፀትን ምሕዳስን ዋና መሥሪያ ቤቱ ብወፈያ ውሽጢ ኣጋራት ንምፍፃም ኣቅዱ ኣሎ። እዚ ውሳነ እዚ ልኡላውነት ሃገር ንምሕላውን ናይ ወፃኢ ፅልዋታትን ፅግዕተኛነትን ንምወጋድን እምበር ገንዘብ ናይ ምርካብ ዓቅሚ ብስእነቱ ከምዘይኮነ ተገሊፁ። እቲ ሚኒስትሪ ካብ ወፃኢ ገንዘብ ናይ ምእካብ ዓቅሚ እንተሃለዎ እውን፣ ናይ ወፃኢ ሓገዝ ናፅነት ንምጉዳእ ዕድል ስለዝፈጥር ነቲ ኣማራፂ ኣይተቐበሎን። ብተወሳኺ፣ እቲ ሚኒስትሪ ነቲ ናይ ምሕዳስ ስራሕ ካብ ናቱ መደበኛ በጀት ንኸየውፅእ ወሲኑ ኣሎ። በዚ መሰረት እቲ ስራሕ ብምሉእ ብወፈያ ናይ ውሽጢ ዓዲ ኣጋራት ዝስራሕ ይኸውን።