ከተማ ኣዲስ ኣበባ ንCOP32 መአንግዲ ምድላዋት ትገብር ኣላ

ከንቲባ ኣዳነች ኣቤቤ ከሰሞኑ ዝሃብዎ መግለፂ፣ ኣዲስ ኣበባ ኣብ ዝሓለፈ ዓመት 700 ሽሕ ወፃእተኛታት ብምቕባል 155 ቢልዮን ብር ኣታዊ ከምዘርከበት ኣፍሊጠን። ከተማ ኣዲስ ኣበባ ንውሽጢ ሰሙን 80 ሽሕ ተሳተፍቲ እትፅበዮ ዘላ ጉባኤ COP32 ንምእንጋድ ምድላዋት ትገብር ኣላ። እዚ ብዝሒ ዘለዎም ኣጋይሽ ንዓቕሚ መአንግዲ ከተማቲ ፈተና ክኸውን ይኽእል እዩ። መንግስቲ ነዚ ኣብ ግምት ብምእታው ንገዛእቲ ሪል እስቴት ንመሳርሒ ገዛን ውሽጣዊ ኣቁሑትን ዝውዕል መስመር ልቓሕ ይፈጥር ኣሎ። ኣቦ መንበር ማሕበር ልምዓት ሪል እስቴት ኣቶ ኣለማየሁ ከበደ፣ እቲ መደብ ንልማዕቲ ዓቢ ዕድል ከምዝኾነ ገሊፆም።