ኬንያ ንኢትዮጵያ ብምስዓር ቀዳመይቲ ዓባይ ቁጠባዊት ሃገር ምብራቕ ኣፍሪቃ ኮይና

ብመሰረት ሓበሬታ ኣይኤምኤፍ (IMF)፡ ቁጠባ ኢትዮጵያ ኣብዚ ዓመት እዚ ብ9.2% ከም ዝዓቢ ትጽቢት ይግበረሉ፣ እዚ ማለት ካብቲ ማእከላይ መጠን ቁጠባ ንኡስ-ሰሃራ ኣፍሪቃ ብዕጽፊ ዝዓበየ እዩ። ይኹን እምበር፡ ዋጋ ብር ኢትዮጵያ ኣብ ዶላር ምውራዱ ኣብቲ ቁጠባ ጽልዋ ኣሕዲሩ ኣሎ። በዚ ምኽንያት ድማ ኬንያ ብ135.92 ቢሊዮን ዶላር ጠቕላሊ ውሽጣዊ ፍርያት (GDP) ንኢትዮጵያ ብምስዓር ቀዳመይቲ ዓባይ ቁጠባዊት ሃገር ምብራቕ ኣፍሪቃ ኮይና ኣላ። እቲ ናይ ኢትዮጵያ ዓቐን ዕቤት ካብቲ ኣብ ክልል ምብራቕ ኣፍሪቃ ዘሎ ማእከላይ መጠን ዝለዓለ እኳ እንተኾነ፡ ግሽበት ዋጋ ግና ናብ 11.7% ከም ዝዓርግ ትጽቢት ይግበር። እዚ መጠን ግሽበት ዋጋ ካብቲ ማእከላይ መጠን እቲ ዞባ 8.6% ንላዕሊ እዩ።