ኣብ ሞያሌ ብሰንኪ ግጭት ሓንቲ ጓል 13 ዓመት ቆልዓ ተቐቲላ

ኣብ ከተማ ሞያሌ፡ ካብ ኣዲስ ኣበባ 756 ኪሎሜተር ርሒቓ እትርከብ፡ ዕለት 8 ጥቅምቲ 2019 ብሰንኪ ዝተላዕለ ግጭት ህይወት ጓል 13 ዓመት ህጻን ሓሊፋ። እቲ ግጭት ዝተፈጥረ፡ ምምሕዳር ከተማ ኣብ ሓድሽ ቦታ ቤት ጽሕፈት ከፊቱ ናይ ሶማሌ ክልል ባንዲራ ብምስቀሉ እዩ። ብዛዕባ እቲ ተኩሲ መን ከም ዝጀመሮ ግልጺ ዘይኮነ መረዳእታታት ኣሎ።

ሰራዊት ምክልኻል ጣልቃ ብምእታው እቲ ናይ ተኩሲ ልውውጥ ካብ ዘቋረጸሉ ንደሓር፡ ዓበይቲ ዓድን ኣካላት ጸጥታን ነቲ ባንዲራ ንምውራድ ተሰማሚዖም ነይሮም። ይኹን እምበር፡ ዕለት 12 ጥቅምቲ ዳግማይ ግጭት ተላዒሉ ናይ መጓዓዝያ ምንቅስቓስ ተዓጽዩ ኣሎ፤ ኣብ መንጎ ኣካላት ጸጥታ ዝተገብረ ዘተ ድማ ክሳብ ሕጂ ውጽኢት ኣይረኸበን።