ኢትዮጵያ ንግብፃዊ ዲፕሎማት ኣይንደልየካን ብምባል ኣብ ውሽጢ 48 ሰዓታት ካብ ሃገር ክወፅእ ኣዚዛ

ሚኒስቴር ጉዳያት ወፃኢ ኢትዮጵያ ንኣባል ዲፕሎማሲያዊ ሰራሕተኛ ኤምባሲ ግብፂ ኣሕመድ ሙሃራም ኣሕመድ ሶሊማን ዘይንደልዮ ሰብ (persona non grata) ብምባል ካብ ሃገር ክወፅእ ኣዚዙ። እቲ ብ1 ጥቅምቲ 2026 ዝተፅሓፈ ዲፕሎማሲያዊ ደብዳቤ ከም ዘመልከቶ፡ እዚ ውሳነ እዚ ዝተወደደ ብመሰረት ውዕል ቪየና ዲፕሎማሲያዊ ኣሰራርሓ እዩ። ሚኒስቴር ጉዳያት ወፃኢ ነዚ ውሳነ ንኤምባሲ ዓራብ ሪፐብሊክ ግብፂ ኣብ ኣዲስ ኣበባ ብደብዳቤ ኣፍሊጡ ኣሎ። እቲ ዝተጠቕሰ ዲፕሎማሲያዊ ኣባል እዚ ምፍላጥ ካብ ዝተውሃበሉ ሰዓት ጀሚሩ ኣብ ውሽጢ 48 ሰዓታት ካብ ኢትዮጵያ ክወፅእ ከም ዝግበኦ እቲ ደብዳቤ የረድእ።