ሕብረት ኣፍሪቃ ኣብ መንጎ ኢትዮጵያ፣ ኤርትራን ግብፅን ዘሎ ወጥሪ ክዝሕል ፃውዒት ኣቕሪቡ

ኮሚሽን ሕብረት ኣፍሪቃ (AU) ኣብ መንጎ ኢትዮጵያ፣ ኤርትራን ግብፅን ዘሎ ኩነታት ምኽንያት ብምግባር ኩለን ሰለስቲአን ሃገራት "ላዕለዋይ ጥንቃቐ" ክገብራ ፃውዒት ኣቕሪቡ። እቲ ኮሚሽን ካብ ኣዲስ ኣበባ ኣብ ዘውፅኦ መግለፂ፣ እተን ኣባላት ሃገራት ንወጥሪ ዘበእሱ ወይ ንኣህጉራዊ ሰላምን ምርጋእን ዝጎድኡ ተግባራትን መግለፅታትን ካብ ምሃብ ክቆጠባ ኣተሓሳሲቡ። ሕብረት ኣፍሪቃ ኣብ መንጎ ኣዲስ ኣበባ፣ ኣስመራን ካይሮን ዘሎ መስመር መላኸቲ ምዕቃብ ኣገዳሲ ምሆኑ እውን ኣሰመረሉ። ብተወሳኺ እተን ሰለስተ ሃገራት ዘለወን ኣፈላላይ ብተኣማኒ ዲፕሎማሲያዊ መገድታትን ሰላማዊ ዘተን ጥራሕ ክፈትሓኦ ከምዘለወን ፃውዒት ኣቕሪቡ።