ኣብ ክልል ትግራይ ብዘጋጠመ ግጭት ሕፃናት ይጉዳኡ ከምዘለው ተገሊፁ

ኣብ ሰሜን ኢትዮጵያ ብዘጋጠመ ሓዱሽ ግጭት ብዝወረደ ናይ ከቢድ ብረት መጥቃዕቲ ምኽንያት ብዙሓት ሰቪላትን ሕፃናትን ከቢድ ናይ ኣካል ጉዳት ይበፅሖም ኣሎ። ካብቶም ኣብ ከተማ መቐለ ኣብ ዝርከብ ኣይደር ዝኣተዉ ግዳያት ሓዲኣ ዝኾነት ናይ 10 ዓመት ቆልዓ እዩሩሳሌም ክልቲኦም እግረኣ ብምስኣና ኣብ ከቢድ ሕክምና ትርከብ። እዩሩሳሌም ካብ ወረዳ ኣላማጣ ዓዲ ቃርሶለ ዝመፀት እንትትኸውን፣ ምስ ዓብይ ሓዋን ፈረሶምን ኣብ ገዛኦም እንተለዉ ብዝወረደ መጥቃዕቲ ሓዋን ፈረሶምን ከምዝሞቱ ተናጊራ። መብዛህትኦም ዝቖሰሉ ሰባት ካብ መቐለ ኣዝዮም ኣብ ዝረሓቁ ገፀረታት ዝነብሩ ብምኻኖም፡ ብሰንኪ ዕንቅፋት መገዲን ግጭትን ናብ ሕክምና ንምብፃሕ ዓብዪ ፈተና ኾይኑዎም ኣሎ።