ዓመታዊ ሪፖርት ኮሚሽን ሰብኣዊ መሰላት ኢትዮጵያ፡ ኣብ ዝተፈላለዩ ዞባታት ዝፍጸሙ ዘለዉ ጥሕሰታት ኣቃሊዑ

ኮሚሽን ሰብኣዊ መሰላት ኢትዮጵያ ኣብ ዝዘርግሖ ዓመታዊ ሪፖርት ኣብ ዝተፈላለዩ ክፋላት እታ ሃገር ዝፍጸሙ ዘለዉ ግህሰታት ሰብኣዊ መሰላት ኣቃሊዑ። እቲ ሪፖርት ኣብ ልዕሊ ሲቪላት ዝፍጸም ቅትለት፣ ናይ ግዜ ገደብ ዘይብሉ ማእሰርቲ፣ ጨውያን ምጥፋእን ከምኡውን ብግዲ ወተሃደራዊ ምልመላ ከም ዘሎ ኣመልኪቱ። ብፍላይ ኣብ ክልል ኣምሓራ፣ ኦሮሚያ፣ ጋምቤላ፣ ኣዲስ ኣበባን ትግራይን ዘጋጠሙ ናይ ጸጥታ ሽግራት ሪፖርት ተገይሩሎም። ኮሚሽኑ ነቲ ዘሎ ናይ ማእሰርቲ ኩነታት ብምቅዋም፣ ኩሎም ወገናት መጥቃዕቲ ሲቪላት ደው ኣቢሎም ናብ ሰላማዊ ዘተ ንክኣትዉን ተሓታትነት ንክረጋገጽን ጸዊዑ።