ወራሪ ተኽሊ ፕሮሶፒስ ኣብ ክልል ዓፋር 31 ሽሕ ሄክታር መሬት የዕኑ ኣሎ

ወራሪ ተኽሊ ፕሮሶፒስ ኣብ ክልል ዓፋር ኣብ ነፍሲ ወከፍ ዓመት 31,127 ሄክታር መሬት ከም ዘዕኑ ሓደ መፅናዕቲ ኣመልኪቱ። እዞም ተኽልታት ኣብ ዝሓለፉ 31 ዓመታት ኣብቲ ከባቢ ንዘሎ ስነ-ምህዳር ክሳብ 602 ሚልዮን ዶላር ዝግመት ጉድኣት ከም ዘውረዱ ተገሊፁ። እዚ ወረራ ብፍላይ ኣብቲ ከባቢ ንዝነብሩ ጓሶት ኣዝዩ ኣገዳሲ ዝኾነ መሬት መጓሰ ኣብ ሓደጋ ኣውዲቑዎ ኣሎ።

ሂንዱስታን ታይምስ ከም ዝሓበሮ፡ እቲ ሽግር ዘይተርፍን ተኸታታሊን ኮይኑ ኣብ ማሕበረ-ቁጠባዊ ንጥፈታት እቲ ከባቢ ዓቢ ፅልዋ እናገበረ ይርከብ። መነባብሮ ህዝቢ ዓፋር ዝኾነ መጓሰ እንስሳ ብሰንኪ እዚ ወራሪ ተኽሊ ኣብ ከቢድ ሓደጋ ወዲቑ ኣሎ። እቲ ጸብጻብ ከም ዘመልክቶ፡ እቲ ጉድኣት ካብ ግዜ ናብ ግዜ እናበኣሰ ስለዝኸደ ህጹጽ ናይ መፍትሒ ስጉምቲ ይሓትት።