ናይ ኢትዮጵያ ናብ ባሕሪ ናይ ምምላስ ሕቶ ዘይተርፍ እዩ - ኣዛዚ ሓይሊ ባሕሪ

ኣዛዚ ሓይሊ ባሕሪ ኢትዮጵያ ምክትል ኣድሚራል እንዳሻው ጥላሁን፡ ኢትዮጵያ ናብ ባሕሪ ናይ ምምላስ ጕዕዞ ዘይተርፍ ምዃኑ ገሊጾም። እቲ ኣዛዚ ኣብ ዘመሓላለፍዎ መልእኽቲ፡ ናይ ኢትዮጵያ ናይ ባሕሪ ኣፍደገ ድልየት ሕጋውን ታሪኻውን መሰረት ዘለዎ ምዃኑ ኣመልኪቶም። ኢትዮጵያ ሓይሊ ባሕራ ናይ ምህናጽ ዕዮኣ ኣጠናኺራ ከምዝቀጸለትን ንቀጠናዊ ድሕነት ባሕሪ ንምሕላው ድልውቲ ምዃናን ኣፍሊጦም። እዚ መግለጺ፡ ኢትዮጵያ ኣብ ከባቢ ቀይሕ ባሕሪ ካብ ዘለዋ ጂኦፖለቲካዊ ድልየት ዝነቅል እዩ። ኣዛዚ ሓይሊ ባሕሪ ምስ ጎረባብቲ ሃገራት ብምትሕብባር ንኽሰርሑ ጻውዒት ኣቕሪቦም።