ክልል ኦሮሚያ ብቕትለት ኣርሲ 73 ሰባት ከምዝተታሕዙ ኣፍሊጡ

መንግስቲ ክልል ኦሮሚያ፡ ኣብ ዞባ ደቡብ ምብራቕ ኦሮሚያ ኣብ ዝርከብ ወረዳ ሺርካ ብዝተፈጸመ መጥቃዕቲ ተጠርጢሮም 73 ሰባት ከምዝተታሕዙ ኣፍሊጡ። ሓላፊ ቢሮ ኮሚኒኬሽን መንግስቲ ክልል ኦሮሚያ ኣቶ ሃይሉ ኣዱኛ ከምዝገለጽዎ፡ እቶም ማእሰርቲ ነቲ መንግስቲ ኦነግ-ሸኔ ዝብሎ ሓይልን ካልኦት ኣዕነቲ ጉጅለታትን ንምቁጽጻር ዝግበር ዘሎ ናይ ጸጥታ ስራሕቲ ክፋል እዩ።

እዚ መግለጺ ዝወጸ፡ ድሕሪ እቲ ኣብ ወረዳ ሺርካ ዝተፈጸመ መጥቃዕቲ ንጹሃን ነበርቲ ብብዝሒ ከምዝተኣስሩ ኣብ ዝተዘገበሉ እዋን እዩ። እቲ ክልል እቲ ስጉምቲ ገበነኛታት ንምቅጻዕ ዝዓለመ ምዃኑ እኳ እንተገለጸ፡ ነበርቲ ከባቢ ግን ድሕሪ እቲ መጥቃዕቲ ብዛዕባ ዝተፈጸመ ማእሰርቲ ስግኣቶም ይገልጹ ኣለዉ።