Lammiin Itoophiyaa- Ameerikaa tokko yakka basaasummaatiin himatamanii itti murtaa'e

Lammiin Itoophiyaa- Ameerikaa tokko mootummaa Itoophiyaatiif basaasummaa hojjechaa turan jedhamanii himatamanii, yakka isaanii fudhataniiru. Namichi kun kan basaasu turan namoota Itoophiyaa keessaa baqatanii Ameerikaa jiraatan fi mormitoota mootummaa ta'an irratti ta'uun ibsameera. Himatichi akka agarsiisutti, odeeffannoo fi bakka jireenyaa mormitoota Oromoo mootummaa Itoophiyaatti dabarsu turan. Yakka kanaan namichi kun waggaa 22 hamma ta'e mana hidhaa seenuu danda'uun ibsameera. Dhimmichi walitti dhufeenya biyyoota lamaanii irratti dhiibbaa uumuu danda'a jedhamee sodaatama. Murtiin gara fuulduraatti kan darbu ta'a.