Le/Jeenaraal Tsadqaan Gabratinsaay itti gaafatamummaa qabsoo isaanii xumuruu beeksisan

Le/Jeenaraal Tsadqaan Gabratinsaay itti gaafatamummaa qabsoo isaanii xumuruu isaanii Televijiinii Tigraay (TBS) irratti ibsaniiru. "Amma yeroon kun kan ijoollee keenyaa fi obboloota keenya warra xiqqooti" kan jedhan Jeenaraalichi, aangoon dhaloota haaraatti darbee aadaa dimokiraasii akka dagaagu hubachiisaniiru. Gaaffileen ummataa hundi karaa nagaa qofa furamuu akka qaban dhaamaniiru. Waraanaan gaaffiin ummataa deebii argatu akka hin jirre ibsuudhaan, gara fuulduraatti humna gurmaa'aa kamiin iyyuu wajjin hiriiranii meeshaa akka hin baane ibsaniiru. Ta'us, rakkoo Tigraay furuuf gorsa kennuu fi araarsuuf qophii ta'uu isaanii mirkaneessaniiru.