Dhaabbilee Itoophiyaa-Ameerikaa haleellaa Arsii ilaalchisee dhiibbaa dippilomaasii gochaa jiru

Dhaabbileen siviilii Itoophiyaa-Ameerikaa, haleellaa naannoo Oromiyaa godina Arsii keessatti Kiristaanota Ortodoksii irratti raawwatame hordofuun, mootummaan Ameerikaa fi hawaasni idil-addunyaa tarkaanfii ariifachiisaa akka fudhatan gaafachaa jiru. Odeeffannoo Waldaa Ortodoksii Tawaahidoo Itoophiyaatiin, naannichatti namoonni 60 ol ajjeefamaniiru.

Qabsaawonni mirga namoomaa obbo Masfin Makonniin fi doktar Makonniin Doyaamoo, dhimmi kun muddee 11 magalaa Waashingitan Diisii keessatti walga'ii gaggeeffamu irratti ajandaa ijoo ta'uu beeksisaniiru. Walga'ii kana irratti bakka bu'oonni Ministeera Haajaa Ala Ameerikaa, Gamtaa Afrikaa, Tokkummaa Mootummootaa fi dhaabbileen mirga namoomaa ni argamu jedhamee eegama. Gama biraatiin, hoggantoonni naannoo Oromiyaa aanaa Shurkaa keessatti nagaa kabachiisuu fi miidhamtoota deebisanii dhaabuuf hojjechaa jiraachuu ibsaniiru.