ኦፌኮ ኣብ ሞያለ ኣብ ዝተፈጥረ ግጭት ዝምታ መንግስቲ ፌደራል ነቒፉ

ኦሮሞ ፌደራሊስት ኮንግረስ (ኦፌኮ) ኣብ ከተማ ሞያለ ንዝተፈጠረ ግጭት መንግስቲ ፌደራል ብዝምታ ምርኣዩ ብመግለጺ ነቒፉ። እቲ ግጭት ኣብ ዶብ ኦሮሚያን ሶማሌን ብባንዲራ ምትካል ዝተጀመረ ኮይኑ፡ ክሳብ ሕጂ ብዙሓት ሰባት ከም ዝሞቱሉን ልዕሊ 10 ሽሕ ነበርቲ ናብ ኬንያ ከም ዝተመዛበሉን ጸብጻባት የረድኡ። እቲ ውድብ እቲ መጥቃዕቲ ብዕጡቓት ሓይልታት ዝተፈጸመ ምትእትታው ወረራን ዘይሕገ-መንግስታዊ ምምሕዳራዊ ለውጥን ምዃኑ ብምግላጽ፡ መንግስቲ ድሕነት ዜጋታት ከውሕስን ግጭት ዶባት ብሕጊ ክፈትሕን ጸዊዑ። ኦፌኮ መንግስቲ ክልል ኦሮሚያ ነቶም ነበርቲ ንምክልኻል ብዘይምኽኣሉ ተሓታቲ ምዃኑ ገሊጹ። ነቲ ግጭት ብናጻ አካል ክጻረይን ገበነኛታት ድማ ኣብ ቅድሚ ሕጊ ክቐርቡን ጸዊዑ።