Oromiyaa Godina Arsii Aanaa Shirkaatti haleellaa raawwatameen namoonni 40 ol ajjeefaman

Naannoo Oromiyaa Godina Arsii Aanaa Shirkaatti haleellaa raawwatameen namoonni 40 ol ajjeefamuusaanii ragaan ijaan argan BBCtti himan. Haleellaan kun sanbata darbe kan raawwatame yoo ta'u, ajjeefamtoota keessaa daa'imman shani ol akka jiran ibsameera. Namoonni 20 ol miidhaan cimaan irra ga'ee hospitaala yaalamaa jiru; lakkoofsi namoota du'anii dabaluu akka danda'u yaaddoon jira.

Miidhamtoonni waldaa Kiristaana Qulqulluu Rufaa'eelitti awwaala walootiin akka awwaalaman ta'eera. Jiraattoonni akka himanitti haleellaan kun tasaafi meeshaa gurguddaan kan raawwatame ture. Waldaan Kiristaana Digaluu Madhanee Alamis haleellaa sanaan miidhamuun gabaasameera. Komishiniin Mirga Namoomaa Itoophiyaa dhimmi kun hordofamaa akka jiru kan ibse yoo ta'u, mootummaan naannichaa hanga ammaatti waan jedhe hin qabu.