ኣብ ክልል ኦሮሚያ ሽርካ ወረዳ ብዝተፈጸመ መጥቃዕቲ ልዕሊ 40 ሰባት ተቐቲሎም

ኣብ ክልል ኦሮሚያ ኣርሲ ዞባ ሽርካ ወረዳ ብዝተፈጸመ መጥቃዕቲ ውሕድ ሲበሃል 46 ሰባት ከምዝተቐትሉ ምስክር ዓይኒ ንቢቢሲ ሓቢሮም። መጥቃዕቲ ቅዳሜ 14 ጥቅምቲ ዝተፈጸመ ኮይኑ፡ ካብቶም ግዳያት ውሕድ ሲበሃል ሓሙሽተ ህጻናት ከምዝርከብዎም ተገሊጹ። ልዕሊ 20 ሰባት ከቢድ መውቃዕቲ በጺሕዎም ኣብ ሆስፒታል ሕክምና ይግበረሎም ኣሎ፡ ቁጽሪ ግዳያት ክውስኽ ከምዝኽእል ስግኣት ኣሎ።

ግድያታት ኣብ ቅዱስ ሩፋኤል ቤተ ክርስቲያን ብሓባር ከምዝተቐብሩ ተገሊጹ። ነበርቲ እቲ መጥቃዕቲ ብድንገት ብዝተራቐቐ ኣጽዋር ዝተፈጸመ ምዃኑ ገሊጾም፡ ዲገሉ መድኃኔዓለም ቤተ ክርስቲያን እውን መጥቃዕቲ ከምዝበጽሖ ተፈሊጡ። ኮሚሽን ሰብኣዊ መሰላት ኢትዮጵያ ነቲ ጉዳይ ይከታተሎ ከምዘሎ ዝገለጸ ኮይኑ፡ መንግስቲ እቲ ክልል ክሳብ ሕጂ ዝሃቦ ምላሽ የለን።