ሩሲያ በኢትዮጵያ እና ኤርትራ መካከል ለመደራደር ዝግጁ መሆኗን ገለጸች

የሩሲያ የውጭ ጉዳይ ሚኒስትር ሴርጌይ ላቭሮቭ በሞስኮ በሚካሄደው የሩሲያ-አፍሪካ ጉባኤ ወቅት የኢትዮጵያ እና የኤርትራ መሪዎች ፍላጎት ካሳዩ አገራቱን ለማደራደር ዝግጁ መሆናቸውን ገለጹ። ይህ አስተያየት የተሰጠው የኤርትራ ፕሬዝዳንት ኢሳያስ አፈወርቂ ለጉባኤው ወደ ሞስኮ ማቅናታቸውን ተከትሎ ነው።

ሁለቱ አገራት መስከረም ወር ላይ ዲፕሎማሲያዊ ግንኙነታቸውን ሙሉ በሙሉ ማቋረጣቸው ይታወሳል። ላቭሮቭ የሁለቱ አገራት ግንኙነት መቋረጥ እንደማይበጅ በመግለጽ፣ ሞስኮ የሁለቱን ወገኖች የጋራ ፍላጎት በሚያማክል መልኩ ችግሮቻቸውን በድርድር እንዲፈቱ ለማገዝ ፍላጎት እንዳላት አረጋግጠዋል። እስካሁን ድረስ ግን ኢትዮጵያም ሆነች ኤርትራ ለዚህ የሩሲያ የሽምግልና ጥሪ በይፋ የሰጡት ምላሽ የለም።