Ruusiyaan Itoophiyaa fi Eertiraa gidduutti araara buusuuf qophii ta'uu ibsite

Ministeerri dhimma alaa Ruusiyaa Sergeey Laavroov, gubaa'ii Ruusiyaa fi Afrikaa Moskootti gaggeeffamu irratti hoggantoonni Itoophiyaa fi Eertiraa fedhii yoo qabaatan biyyoota lamaan gidduutti araara buusuuf qophii ta'uu ibsan. Yaadni kun kan kenname pirezidaant Isaayyaas Afawarqiin gubaa'icharratti hirmaachuuf gara Moskoo deemuu isaanii hordofeeti.

Biyyoonni lamaan ji'a Fulbaanaa irraa jalqabee hariiroo dippilomaasii guutummaatti kutuun isaanii ni yaadatama. Laavroov hariiroon biyyoota lamaanii kun itti fufuun gaarii akka hin taane ibsuun, Ruusiyaan fedhii waloo irratti hundaa'ee mariidhaan rakkoowwan isaanii furuuf gargaaruuf fedhii akka qabdu mirkaneessaniiru. Haa ta'u malee, hanga ammaatti Itoophiyaan ta'e Eertiraan waamicha araaraa Ruusiyaa kanaaf deebii ifa ta'e kennan hin jiru.