ኬንያ ኣብ ልዕሊ ኣርባዕተ ሰራሕተኛታት ጥዕና ቫይረስ ኢቦላ ከምዝተረኽበ ኣፍሊጣ

ሚኒስትሪ ጥዕና ኬንያ ኣርባዕተ ሓደስቲ ሰባት ብቫይረስ ኢቦላ ቡንዲቡግዮ ከምዝተለኽፉ ኣፍሊጡ። ካብቶም ዝተለኽፉ እቶም ሰለስተ ኣብቲ ሃገር ንመጀመርታ ተለኺፉ ዝነበረ በዓል ሕማም ዘከምኩም ሰራሕተኛታት ጥዕና እዮም። እቶም በዓል ሕማም ዕድሚኦም 29፣ 35ን 32ን ዝኾኑ ኮይኖም ካብ መስከረም 29 ኣትሒዞም ኣብ መፈልለዪ ይርከቡ። ብተወሳኺ ሓንቲ ዕድሚኣ 65 ዓመት ዝኾነት ሰበይቲ ምስቲ መጀመርታ በዓል ሕማም ናይ ቀረባ ርክብ ስለዝነበራ ቫይረስ ከምዘለዋ ተረጋጊጹ።

ሰበ ስልጣን ምስቲ በዓል ሕማም ርክብ ዝነበሮም 130 ሰባት ለልዮም 128 ኣብ መፈልለዪ ኣእትዮምዎም ኣለዉ። እቲ ቫይረስ ናብ ሕብረተሰብ ከምዘይተሰጋገረ ሚኒስትሪ ይኣምን። እዚ ዓይነት ኢቦላ ክታበት ዘይብሉ ኮይኑ ውድብ ጥዕና ዓለም መፍትሒ ንምርካብ ግዜ ከምዝወስድ ኣፍሊጡ። እቲ ለበዳ ኢቦላ ካብ ዲሞክራቲክ ሪፓብሊክ ኮንጎ ዝመጸ ኮይኑ ኬንያ ስርጭት እቲ ለበዳ ንምቁጽጻር ጻዕሪ ትገብር ኣላ።