ኣብ ትግራይ ኩነታት ፀጥታ እንተተመሓየሸ፣ ናይ ኢኮኖምን ማሕበራዊን ስግኣታት ቀፂሎም

ወነበርቲ ትግራይ፡ ሰራዊት ምክልኻል ኢትዮጵያን ሓይልታት ሰላም ክልልን ከተማታት ድሕሪ ምቁፅፃሮም፡ ኩነታት ፀጥታ ተመሓይሹ ምህላዉ ይዛረቡ። እንተኾነ ግና፡ ሕፅረት ጥሬ ገንዘብን ንረት ዋጋን ስግኣት ሽፍትነትን ክቕፅሉ እዮም። ባንክታት እናሰርሑ እንተኾኑ፡ ናብ ንቡር ህይወት ንምምላስ ከቢድ ምህላዉ ነበርቲ ይገልፁ። ኣብ ግዘ ውግእ ዝተዘረፉ ትካላት መንግስትን ንግድን፡ ከምኡ እውን ደርቅን ፀገም ትራንስፖርትን ንነበርቲ ስግኣት ኮይኖም ኣለዉ።

ብኻልእ ወገን፡ ድሕሪ ውግእ ዋጋ ነዳዲ ብዓቢ ደረጃ ምቅናሱ ተፈሊጡ ኣሎ፡ ናይ ህዝቢ ትራንስፖርት ምንቅስቓስ ከምዝጀመረ እውን ተገሊፁ። ይኹን እምበር፡ ኣብ ከባቢ ዶብ ኤርትራን ኣብ መንጎ ከተማታትን ዘሎ ምንቅስቓስ ገና ብዘተኣማምን ኩነታት ከምዘየለ ተገሊፁ። ነበርቲ ናብ ንቡር ህይወት ንምምላስ ይፅዕሩ እኳ እንተለዉ፡ ትሑት ዓቕሚ ኢኮኖምን ስግኣት ፀጥታን ዛጊት ተገዳዲዶም ይርከቡ።