መንግስቲ ክሊል ዓፋር ሰራዊት ኤርትራ ወሰን ስጊሮም ምስ ህወሓት ይዋግኡ ኣለው ኢሉ ከሲሱ

መንግስቲ ክልል ዓፋር ሰራዊት ኤርትራ ናብ መሬት ኢትዮጵያ ወሰን ስጊሮም ምስ ዕጥቅቲ ህወሓት ብምስላፍ ይዋግኡ ኣለው ሲሉ ንቢቢሲ ገሊፆም። ሓላፊ ኮሙኒኬሽን እቲ ክልል ኣቶ መሓመድ ኣሊን ርእሰ መስተዳድር ኣቶ ኣወል ኣርባን ከምዝሓበሩዎ ሰራዊት ኤርትራ ኣብ ከባቢታት ኣብዓላ፣ መጋሌን ኤረብቲን ወታደራዊ መጥቃዕቲ ዝፈፀመ ኮይኑ፡ ዝተማረኹ ወታደራትን ወታደራዊ ቁሳቁሳትን ከምዘለዉ ተዛሪቦም። ብኣንፃሩ ሚኒስተር ዜና ኤርትራ ኣቶ የማነ ገብረመስቀል ንዝቐረበሎም ክሲ ብምስተባባል፡ እቲ ክሲ መንግስቲ ኢትዮጵያ ካብ ውሽጣዊ ግጭታት ኣቓልቦ ንምስሓት ዝጥቀመሉ እዩ ብምባል ነፂጎምዎ።