ኢትዮጵያ ኣብ ዓመት 600 ቶን ወርቂ ናይ ምጽራይ ዓቕሚ ዘለዎ ፋብሪካ ኣመርቂታ

ኢትዮጵያ ኣብ ከተማ ኣዲስ ኣበባ ቦሌ ለሚ ዞን ኢኮኖሚ ኣብ ዓመት ልዕሊ 600 ቶን ወርቂ ናይ ምጽራይ ዓቕሚ ዘለዎ ዘመናዊ ፋብሪካ ኣመርቂታ። እቲ ፋብሪካ ብምትሕብባር ኢትዮጵያን ኢንቨስትመንት ሆልዲንትን ካብ ዱባይ ሳም ፕሬሺየስ ሜታልስን ዝተሃንጸ ኮይኑ፡ ኢትዮጵያ ማእከል መጽረዪ ማዕድናት ንኽትከውን ዘኽእል ከም ዝኾነ ቀዳማይ ሚኒስትር ኣብይ ኣሕመድ ገሊጾም። እቲ ፕሮጀክት 51 ሚእታዊት ብኢትዮጵያ ኢንቨስትመንት ሆልዲንትን 49 ሚእታዊት ብሳም ፕሬሺየስ ሜታልስን ዝውነን እዩ። እዚ ናይ ውሽጢ ዓዲ መጽረዪ ፋብሪካ፡ ማዕድናት ብውሽጢ ዓዲ ኣጽሪኻ ንወጻኢ ምልኣኽ ብምኽኣሉ፡ ሃገር ካብ ወጻኢ ንግዲ ትረኽቦ ሸርፊ ወጻኢ ከም ዘዕብን ንቁጠባ ከም ዘበርክትን ተገሊጹ ኣሎ።