ኣብ ዞባ አርሲ ተደጋጋሚ መጥቃዕትታት ከምዝቕጽሉን ቁጽሪ ዝሞቱ ከምዝዓበየን ተገሊጹ

ኣብ ዞባ አርሲ ወረዳ ሽርካ ብዝተፈጸመ መጥቃዕቲ ልዕሊ 40 ሰባት ከምዝተቐትሉ መሰኻኽር ዓይኒ ንቢቢሲ ገሊጾም። እቲ መጥቃዕቲ ጥቅምቲ 14/2019 ዓ.ም ዝጀመረ ኮይኑ፡ ሕጻናት ከምዝርከብዎምን ካልኦት 20 ዝኾኑ ሰባት ድማ ቆሲሎም ኣብ ሆስፒታል ከምዘለዉን ተገሊጹ። "ኢሰመጉ" ኣብ ዘውጽኦ ጸብጻብ ከም ዘመልክቶ፡ ካብ 2014 ዓ.ም ጀሚሩ ኣብቲ ከባቢ ብሰንኪ መጥቃዕቲ መንነትን ሃይማኖትን ብኣማኢት ዝቑጸሩ ሰባት ተቐቲሎም እዮም።

ቅድሚ ሕጂ ኣብ ዝተፈጸሙ ተኸታተልቲ መጥቃዕትታት፡ ኣቦታት ቤተ ክርስቲያንን ነበርቲ እቲ ከባቢን ሂወት ብዙሓት ሰባት ከምዝሓለፈን መፈናቕል ከምዝተፈጠረን ኣረጋጊጾም እዮም። መንግስቲ ነቲ መጥቃዕቲ ዝፍጽሞ ዘሎ "ኦነግ ሸኔ" ምዃኑ ክገልጽ ከሎ፡ እቲ ዕጡቕ ጉጅለ ግና እቲ ክሲ መሰረት ዘይብሉ ምዃኑ ብምግላጽ ነጺግዎ። እቲ ኣብ ልዕሊ ምእመናንን ኣቢያተ ክርስቲያናትን ዝፍጸም ዘሎ መጥቃዕቲ ብሄራዊ ሻቕሎት ኮይኑ ይቕጽል ኣሎ።