በሞያሌ የተቀሰቀሰው ግጭት ቀጥሏል፤ በርካታ መኖሪያ ቤቶችና ንብረቶች ተቃጥለዋል

በኦሮሚያ እና ሶማሌ ክልል ድንበር ላይ በምትገኘው ሞያሌ ከተማ የተቀሰቀሰው ግጭት ዛሬ አርብም ቀጥሏል። ነዋሪዎች እንደገለጹት፣ ከባለፈው ሳምንት እሁድ ጀምሮ በባንዲራ አጠቃቀም ምክንያት በተነሳው አለመግባባት የተጀመረው ግጭት፣ ከሐሙስ ንጋት ጀምሮ ወደ ከባድ የተኩስ ልውውጥ ተቀይሯል። በከተማዋ መኖሪያ ቤቶች፣ መደብሮች፣ ሆቴሎች እና የንግድ ተቋማት ተቃጥለዋል።

የኬንያ ቀይ መስቀል እንዳስታወቀው፣ ግጭቱን የሸሹ በመቶዎች የሚቆጠሩ ነዋሪዎች፣ አብዛኞቹ ሴቶች እና ሕጻናት፣ ወደ ኬንያ ድንበር መሻገራቸውን እና ድጋፍ እየተደረገላቸው መሆኑን ገልጿል። የከተማዋ ነዋሪዎች ከባድ መሣሪያ ጥቅም ላይ እየዋለ መሆኑን የሚናገሩ ሲሆን፣ እስካሁን በፌደራል ወይም በክልል መንግሥታት የተሰጠ ይፋዊ መግለጫ የለም።