Waldhabbiin Moyyaalee itti fufeera; manniifi qabeenyi hedduun gubataniiru

Moyyaalee daangaa Oromiyaafi naannoo Somaalee gidduutti argamtu keessatti waldhabbiin ka'e har'a Jimaataas itti fufeera. Akka jiraattonni jedhanitti, waldhabdee alaabaa dhaabuu wajjin walqabatee Dilbata darbe ka'e kana, guyyaa Kamisaa gara waraana cimaatti ce'eera. Magaalatti keessatti manni jireenyaa, suuqiiwwan, hooteloonniifi dhaabbileen daldalaa gubataniiru.

Fannoon Diimaa Keeniyaa akka beeksisetti, namoonni dhibbootaan lakkaa'aman waldhabdee kana irraa baqachuun gara daangaa Keeniyaatti ce'aniiru; kanneen keessaa hedduun isaanii dubartootaafi daa'imman ta'uun gabaasameera. Jiraattonni meeshaan waraanaa cimaan itti fayyadamaa akka jiru kan ibsan yoo ta'u, hanga ammaatti mootummaan federaalaas ta'e kan naannoo ibsa tokkollee hin kennine.