Namoonni daa'ima fayyaa dhukkubsataa fakkeessanii kadhataa turan hidhaa itti murteeffame

Namoonni afur magaalaa Nageellee Booranaatti daa'ima ganna 10 fayyaa ta'e dhukkubsataa fakkeessanii gargaarsa kadhachaa turan hidhaa waggaa 8 hanga 9tti murteeffame. Himatamtoonni kunneen naannoo Amaaraa irraa dhufnee jedhanii, Shaashamannee, Adoolaa, Shaakkisoo fi Nageellee keessatti ragaa sobaa fayyadamaa turan. Gochi kun kan saaxilame ogeessonni fayyaa hospitaala Nageellee qorannoo gochuuf gaafannaan, isaanis baqachuuf yaaluun isaanii erga baramee booda dha. Mana murtii olaanaa Kibba Oromiyaatti himatamanii, dhaddacha Onkololeessa 13, 2019 ooleen hundi isaanii waggaa 8 fi ji'a 4 hanga waggaa 9 fi ji'a 8 akka hidhaman murtaa'eera.