በኦሮሚያ ክልል ጤናማ ህፃንን በማሳመም ምጽዋት ሲለምኑ የነበሩ ሰዎች ተቀጡ

በምዕራብ ጉጂ ዞን ነጌሌ ቦረና ከተማ ጤናማ የሆነ የ10 ዓመት ህፃንን በማሳመም ለወራት ሲለምኑ የነበሩ አራት ግለሰቦች በእስራት ተቀጡ። ግለሰቦቹ ከከአማራ ክልል እንደመጡ በመግለጽ ህፃኑ የልብ እና የነርቭ ህመም እንዳለበት በማስመሰል በሻሸመኔ፣ በአዶላ፣ በሻኪሶ እና በነጌሌ ከተሞች ገንዘብ ሲሰበስቡ ቆይተዋል። የህፃኑ እናት እና ሌሎች ዘመዶቹ የተሳተፉበት ይህ ድርጊት የተጋለጠው የነጌሌ ቦረና ሆስፒታል የህክምና ባለሙያዎች ህፃኑን ለመርዳት ሲሞክሩ ነው። ፍርድ ቤቱ ለተከሳሾቹ ከ8 ዓመት ከ4 ወር እስከ 9 ዓመት ከ8 ወር የሚደርስ ፅኑ እስራት እና የገንዘብ መቀጮ ወስኗል።