ኣብ ኦሮሚያ ጥዑይ ህጻን ሕሙም ኣምሲሎም ብምልማን ዝነበሩ ሰባት ተቐጺዖም

ኣብ ከተማ ነጌሌ ቦረና ክልል ኦሮሚያ፡ ጥዑይ ዝነበረ ወዲ 10 ዓመት ህጻን ከም ሕሙም ኣምሲሎም ንወርሓት ብምልማን ዝጸንሑ ኣርባዕተ ሰባት ብማእሰርቲ ተቐጺዖም። እቶም ውልቀሰባት ካብ ክልል ኣምሓራ ከምዝመጹ ብምግላጽ፡ እቲ ህጻን ናይ ልቢን ነርቭን ሕማም ከምዘለዎ ኣምሲሎም ኣብ ሻሸመኔ፡ ኣዶላ፡ ሻኪሶን ነጌሌን ገንዘብ ይሰበስቡ ኔሮም። እዚ ስርቂ እዚ ዝተቓልዐ ሰራሕተኛታት ጥዕና ሆስፒታል ነጌሌ ቦረና ነቲ ህጻን ንምሕጋዝ ክፍትኑ ከለዉ እዩ። ቤት ፍርዲ ንተኸሰስቲ ካብ 8 ዓመት 4 ወርሕ ክሳብ 9 ዓመት 8 ወርሕ ዝበጽሕ ጽኑዕ ማእሰርትን መቕጻዕቲ ገንዘብን ወሲኑሎም ኣሎ።